ठीक आदमी चुन कै हिन्दुस्तान बचा लिये सखी

खान मनजीत भावडिया मजीद
तौली हौले त्यार बूथ पर चालिए सखी,
सै हक तेरा बोट जरूर डालिए सखी ।
पांच साल में एक दिन मुसकल तै पाया करै,
समझदार माणस कोन्या टेम न गवांया करै ,
आम आदमी मर्जी तै मनचाहा बटन दबाया करै,
उडे पावै धरी मशीन तु बटण दबा दिये सखी
काम सै जरूरी  इसनै जाणिए ना खेल सखी,
कितनी तै कुर्बानी दी कितनी काटी जेल सखी,
म्हारे बडा नै बोई थी या प्रजातंत्र बेल सखी,
आज बोट की ताकत न अजमा लिए सखी,
अरबों का खर्चा आवै माणस माणस ज्याग ज्यागा,
नये घोषणा पत्र पढकै मायूसी नै त्याग ज्यागा,
नयी सरकार बणाके नेता नये काम म्ह लाग ज्यागा,
ठीक आदमी चुन कै हिन्दुस्तान बचा लिये सखी,
हिन्दुस्तान के कामां की चर्चा सब संसार करें सै,
यूं सवा करोड की आबादी के सपने ने साकार करै सै ,
खान मनजीत भावडिया मजीद जनहित प्रचार करै सै,
दो गणतन्त्र के गीत बखत पै गा लिए सखी ।
खान मनजीत भावडिया मजीद
फोन न. 9671504409
गांव भावड तहसील गोहाना जिला सोनीपत-1313102

Leave a Reply

Your email address will not be published. Required fields are marked *